2018.12.22 米子城 & 若桜鬼ケ城 (鳥取県)

朝早先去米子市立山陰歴史館蓋米子城印，行咗一陣，就匆匆趕去第二站。

去若桜駅嘅班次少，時間要好好掌握。

若桜鬼ケ城個印喺若桜町観光案内所裏面，周邊好清靜。 

2018.8.5 備中高松城 (岡山県)

 

朝早到達高松駅，行去高松城址公園大約10分鐘。

公園範圍好大，只有遺跡嘅標示，至於櫓、天守閣之類嘅建築就見唔到。

備中高松城嘅印就喺高松城址公園資料館裏面。

蓋完印，行一陣就走喇。

2018.8.4 三原城 & 新高山城 (広島県) & 大内氏館・高嶺城 (山口県) & 浜田城 (島根県)

 

今日嘅行程都係好匆忙，到咗三原駅，先去「みはら歴史館」蓋印，順便睇下広島県嘅介紹，原來呢到啲章魚好出名。

因為7月嘅豪雨，新高山城唔開放，臨時放喺「みはら歴史館」，可以喺到蓋埋新高山城印。

蓋完印，經車站嘅通道去睇下三原城遺址，公園範圍好細，完全無嘢好睇。

跟住快速趕去山口市歴史民俗資料館蓋大内氏館・高嶺城嘅印，由JR站行去要40分鐘，真係行到腳軟。

最後一站係浜田城，個印喺浜田神社の社務所裏面。

蓋完印就周圍行下，睇下浜田城嘅遺跡。

返JR站又要行30分鐘，再次行到腳仔軟。

2018.8.2 日本本州最西端毘沙ノ鼻 (山口県)

 

去下関市只有一個目的，就係去毘沙ノ鼻。

先喺下関駅搭JR去吉見，喺吉見駅打的，約20分鐘就到，再慢慢行去展望台。

到咗毘沙ノ鼻，先影相，再遠眺西端嘅風景。

逗留咗半個鐘就走喇，除咗影相，最重要嘅事就係拎到達證明書喇。