2016.8.4 郡山城 (広島県)

去郡山城最好喺広島搭バス，約一個半鐘，喺「安芸高田市役所前」落車，徒歩5分鐘就到。

個名城印喺安芸高田市歴史民俗博物館裏面。

郡山城跡喺山上，一個適宜遠足嘅地方。

山上面只有「毛利氏墓&郡山城跡」，天守&橹都唔見喇。

2016.8.3 萩城 (山口県)

去萩城好花時間，因為JR嘅班次好疏，經益田站轉車，等車時間足夠食埋午飯逛下街。

轉車到達玉江駅，仲要行半個鐘。

有時間嘅話可以遊下船河架。

行咗二十幾分鐘，終於見到入城指示牌喇。

原來萩焼好出名，有興趣嘅朋友應該參觀下。

萩城跡喺指月公園裏面。

萩城跡未重建，得呢座基石。

個名城印就喺本丸入口。

又用咗二十幾分鐘行返玉江駅，未有車，只有等。

2016.8.3 津和野城 (島根県)

朝早由津和野駅出發，先逛下附近旧城下町嘅景點。

沿路嘅風景唔錯，大清早好清靜，無乜遊人。

旧城下町係傳統建築物群嘅保存地區，有好多歷史建築。

今日嘅重點係去津和野城。

有時間嘅話，行下山或者搭下吊車都唔錯架。

行程緊密，逛咗一陣，蓋埋個名城印就走喇。

2016.8.2 岩国城 (山口県)

喺岩国駅搭市営バス「錦帯橋行き」，約20分鐘就到喇，一落車就見到呢條著名嘅「錦帯橋」。

行過對面馬路就係橋頭入口，過橋就要俾過橋費喇。

喺橋上面遠遠就見到山上嘅岩国城，周邊嘅風景好靚，橋下嘅水清澈見底。

過咗橋，因為太熱喇，先食杯錦戶亮都幫襯過嘅ソフト。

唔知係咪天氣熱，噴水池附近有好多小朋友玩水。

沿路行去岩国城，周邊都有唔少景點。

跟住喺「城山山麓」搭ロープウェイ上山。

大約3分鐘就到達「山頂」站，然後向天守進發。

行呀行，天守在望喇。

天守閣嘅展品唔算多，裏面都有啲「錦帯橋」嘅資料。

上到頂層，可以見到整座「錦帯橋」。