行完鳥取城就搭巴士去鳥取砂丘。
三十幾度高温，呢個砂丘只適宜遠觀。
跟住入去砂の美術館睇睇，今期嘅主題係南美風情。
裏面人頭湧湧，唔想影埋路人甲乙丙，影相嘅時候就要有耐性喇。
展館嘅面積唔算大，走上二樓睇，感覺又唔同。
從二樓可通往露天廣場，都有少量展品。
睇完展覽，先去食午飯，味道同價錢都係一般，無乜驚喜。
夾啱巴士時間，今日最後一站係賀露町嘅「かにっこ館」。
「かにっこ館」係一個資料館，主要介紹蟹嘅種類，免費入場架。
裏面有蟹嘅模型、玩具、小擺設等等。
除咗蟹嘅標本，仲有個大水缸，裏面有隻大蟹。
