2016.7.30 備中松山城 & 鬼ノ城 & 津山城 (岡山県)

今日嘅行程緊密，夾啱時間，到咗備中高梁駅，立刻行去観光案内所，登上預約咗嘅観光乗合タクシー，向備中松山城進發。

唔駛10分鐘就到達ふいご峠，落車之後就慢慢行上山。

備中松山城係日本三大山城之一，NHK嘅大河ドラマ真田丸都喺道取過景架。

行呀行，上到三の丸喇。

行咗大概20分鐘，終於天守在望。

備中松山城嘅天守係日本山城之中唯一現存嘅天守嚟架，入場料大人300円。

接住第二個係鬼ノ城，去到JR総社駅，唯一嘅選擇係タクシー，約20分鐘車程就到達鬼城山ビジターセンター。

呢個鬼ノ城，真係鬼影都唔多隻，除咗的士或自駕，根本無其他交通工具到。

蓋完名城印就喺鬼城山ビジターセンター裏面睇下嘢。

センター裏面有模型，又有啲鬼ノ城嘅資料。

鬼ノ城範圍好大，都係一個遠足嘅好地方。

今日最後一站係津山城。因為搭錯車，差啲就趕唔切。飛的去，從遠處可見到城郭。

最後好彩喺閂門前半個鐘去到，立刻跑上樓梯。

備中櫓受付嘅大叔好好人，總算能順利蓋印。

跟住喺鶴山公園影下相。

周邊都有啲景點架，不過天陰有雨，唔行嚕。