今日經德山站往柳井進發。
行出柳井站，發覺好清靜，附近無購物點，遊人唔多。
前往《白壁之町》途中，沿路見到好多金魚掛飾，原來快要舉行金魚祭。
行咗大約七分鐘，就到達商家博物館「むろやの園」，呢間係300年前創業嘅油商小田家故居。
商家博物館「むろやの園」裏面展示咗以前各種唔同嘅生活用品，據佢哋所講，係現存最大級嘅「町家」。
有以前嘅熨衫板、衣車、相機、留聲機……
《白壁之町》係當地重要嘅傳統建築群保存地區。
「国森家住宅」建於18世紀後期，係江戶時代典型嘅商家建築。
除咗資料館 & 展覽館，而家好多建築物都改咗做商舖喇。
商店內售賣嘅金魚飾物好精緻。
「しらかべ学遊館」主要展示柳井嘅傳統文化生活品。
甘露醤油資料館「佐川醤油蔵」，大家可以自由參觀，唔收錢架。
裏面有造醤油嘅介紹，不過唔見有職員，但係可以買嘢，完全講個信字。
沒有留言:
張貼留言